Санаачилгатай иргэд
Орон нутгийн амьдрал, хамтын нийгэмлэгийг хөгжүүлэхэд туслаж байна.
Бид байгууллагаас хандив өгөхдөө хамгийн дээд түвшний засаглал, ёс зүй, дүрэм журмыг сахиж мөрддөг.
Бид нөөц бололцоогоо үр ашигтай ашиглахын тулд стратегийн тэргүүлэх \чиглэлүүддээ анхаардаг. Үүнд санхүүгийн хүртээмж ба боловсрол, хүмүүнлэгийн тусламж, орон нутгийн дэмжлэг багтана.
Бид өөрсдийн стратеги, бие даасан сайн үйлсийн хөрөнгө оруулалтыг чанга хяналт, засаглалаар хэрэгжүүлдэг бөгөөд холбогдох бүх хууль тогтоомж, Виза компанийн дотоод дүрэм журмыг сахиж мөрддөг.
Бидний хандив өгөх шалгуур, шийдвэр гаргах явц, хандивын тайлан ил тод байдаг. Виза компанийн бүх хандивыг Виза Сайн Үйлсийн Хороо хянадаг. Тус зөвлөл нь Виза компанийн удирдах албан тушаалтнууд болон Виза корпорацийн ТУЗ-ийн Томилох, Компанийн Засаглалын комиссын гишүүдээс бүрддэг.
Бид хямралд автсан орон нутагт туслах зорилгоор засаг захиргаа, олон улсын тусламжийн байгууллагууд, хувийн байгууллагуудтай хамтран ажилладаг.
Сапукая хотод 2012 онд газрын нуранги тохиолдож, хэдэн зуун оршин суугчид орон гэргүй болсон. Орон нутгийн засгийн газар нь Виза карт ашиглан хоол хүнс, хэрэгсэл, түр байрыг түргэн шийдвэрлэж өгч чадсан.
2010 оны байлдааны улмаас 1,5 сая Пакистанчууд орон гэргүй болсон. Тус хямралын үеэр Виза компанийн урьдчилсан төлбөрт картаар хоол хүнс болон бусад нэн шаардлагатай зүйлсээр амь залгуулсан.
Виза НҮБ-ын Дэлхийн Хүнсний Хөтөлбөртэй түншилж, Руандагийн хэдэн мянган цагаачдад зориулан хөдөлгөөнт төхөөрөмжөөр бэлэн мөнгө шилжүүлэх хөтөлбөрийг хэрэгжүүлсэн.
Oxfam болон Visa хамтран Филиппинийн байгалийн гамшигт хамгийн өртөмтгий нутаг оронд цахим төлбөрөөр тусламж өгөв.
Виза нь ажилтнуудынхаа үйлчилгээ, сайн үйлсийн ажлаар орон нутагт дэм болж, орон нутгийн ашгийн бус байгууллагуудад хандив өгдөг.
Виза компанийн олон ажилтан итгэж үнэмшиж буй зүйлийнхээ төлөө цаг гаргаж, ур чадвараа нэмэрлэж, сайн үйлсэд зориулах чин хүсэлтэй. Сайн дурын үйлийг урамшуулахын тулд Виза Сайн Дурынхан Хөтөлбөр тухайн орон нутагт зохион байгуулагдаж буй боломжуудыг судлан ажилтнуудад танилцуулж, сайн үйлийн цагийг нь бүртгэдэг. Түүнчлэн, бид сайн дурын үйл хийдэг манлайлагч ажилтнууддаа орон нутагт оруулсан хувь нэмрийг нь үнэлж Виза Сайн Дурын Ажилтан шагналаар шагнаж хүндэтгэл үзүүлдэг.
Ажилтнуудынхаа сайн үйлийн санаачлагыг урамшуулах зорилгоор бид олон улсын Тохируулах Бэлэг хөтөлбөр хэрэгжүүлж, шаардлага хангасан буяны байгууллагад жил бүр 5 000 хүртэлх ам.долларын хандивыг давхар өгдөг.
Манай ажилтнууд өөрчлөлтийг бүтээх төлөөлөгчид гэдэгт бид итгэдэг. Ийм ч учраас жил бүрийн арваннэгдүгээр сард Визагийн дэлхий дахины ажилтнууд ажиллаж, амьдарч буй газрынхаа ашгийн бус байгууллагууд, сургууль болон нийгмийн бусад бүлгүүдэд өөрсдийн цаг, авъяасаа зориулах аян хийж байна. Энэ нь Виза Сайн Дурынхан хөтөлбөрийн сор арга хэмжээ бөгөөд дэлхий дахины бүх салбарууд тэмдэглэн өнгөрөөдөг.